సలాం ప్రొద్దుటూరు (కమలాపురం):
డీఎస్సీ నియామకాలలో అక్రమాలు, అవకతవకలు జరిగాయంటూ నిరసనగా కమలాపురంలో వైఎస్సార్ కాంగ్రెస్ పార్టీ ఆధ్వర్యంలో ర్యాలీ నిర్వహించారు. కమలాపురం నియోజకవర్గ వైఎస్సార్సీపీ ఇన్చార్జి నరేన్ రామాంజుల రెడ్డి ఆధ్వర్యంలో ఈ కార్యక్రమం జరిగింది.
ర్యాలీలో వైఎస్సార్సీపీ నాయకుడు షేక్ ఇస్మాయిల్తో పాటు పార్టీ నాయకులు, కార్యకర్తలు పాల్గొన్నారు. ఈ సందర్భంగా డీఎస్సీ నియామక ప్రక్రియలో పారదర్శకత పాటించాలని, అర్హత కలిగిన అభ్యర్థులకు న్యాయం జరిగేలా చర్యలు తీసుకోవాలని నాయకులు డిమాండ్ చేశారు.
డీఎస్సీ నియామకాల్లో చోటుచేసుకున్నాయని పేర్కొంటున్న అవకతవకలపై ప్రభుత్వం సమగ్రంగా పరిశీలించి, అభ్యర్థులకు న్యాయం చేయాలని వారు కోరారు. నిరుద్యోగ అభ్యర్థుల ప్రయోజనాలను దృష్టిలో ఉంచుకుని నియామక ప్రక్రియను పారదర్శకంగా నిర్వహించాలని సూచించారు.
ర్యాలీలో పార్టీ నాయకులు, కార్యకర్తలు పెద్ద సంఖ్యలో పాల్గొని తమ నిరసనను వ్యక్తం చేశారు.
